البداية شد . . . . والنهاية هد . . .

• زماااااااااان كان في حكومة بتقول شدوا الحزام عشان نعرف نعيش ، فضلنا نشد في الحزام
  لحد ما اتقطع ...
  
  الشعب قال بس فرجت ، والحكومة قالت لسه مطلعناش من عنق الزجاجة
• 
  رد الشعب وقال.....هوه لسه في زجاجة؟؟؟
  ردت الحكومة .... امال كنتم بتشدوا الحزام ليه ؟؟؟ مش عشان تعرفوا تطلعوا من عنق
  الزجاجة .....وفرحنا ورحنا للحكومة ،،،،
  
  قالت الحكومة ، لسه فرجه قريب ، فاضل نعبر بيكم للمستقبل !!!!
  
  هاج الشعب وماج وقال : هو لسه في عبور للمستقبل ، طيب وادينا عبرنا
• صدقنا... وفرحنا... وجرينا على الحكومة
• ردت الحكومة وقالت ... احنا بنعمل كل ده علشان الاجيال الجاية !!!
• رد الشعب ... اجيال جاية ازاي !!! واحنا لسه مفيش شقة ولا وظيفة ولا .. ولا .. !!
• ردت الحكومة ... الاجيال الجاية بتاعتنا احنا ... يالا من هنا ربنا يهدكوا ... جتكوا القرف مليتوا البلد ...!!!
• بصينا لقينا نفسنا بنصدر الغاز لاسبانيا وفرنسا.... وكمااااااااان اسرائيل ،
• ؟؟؟يا عيني يا عيني..... ايه الحلاوة دي
• كل المصانع اللي بتخسر واللي بتكسب اتباعت لرجال اعمال هنود ،
• يا سيدي يا سيدي
  
• دول الاتحاد الاوروبي جاية علشان تخلصنا من الزبالة اللي احنا بنرميها بنفسنا في شوارعنا ،

الله الله الله


• اظن بقي دلوقتي مفيش قوة في العالم تقدر تشك ولو لحظة واحدة في ان ...!!!




• مصر هي ام الدنيااااااااااااااااااااااااااااااااااا

عن الحديد وناااااااااااااااااااااااااااااااااااااااره

السلام عليكم ، ايه راي حضرات السادة الافاضل في مشكلة الحديد واسعاره اللي بتزيد كل صباح جديد ، انا من وجهة نظري المتواضعة قوي ، ان الحكومة تعمل حاجة جديدة وتدعم حديد التسليح وتضعه علي بطاقات التموين ، والله حلو لما يكون شعار جديد زي شعار فكر جديد شعار سيخ لكل مواطن ،،، وطبعا بطاقات التموين متسجل فيها الكبير والصغير ، يبقي الصغير لما يكبر هيلاقي عنده مخزون كويس من الحديد علشان يبنوا بيه وكمان يقدروا يتجوزوا ، ونكون كده حلينا مشكلة الاجيال الجاية ، بس في شرط مهم ،،،
لابد ان يتم الغاء بطاقات التموين للسادة الوزراءءءءءءءءءءءءءءء ....’’’’’
وبعدين كمان ممكن الناس تبطل بناء شوية ولو لمدة شهر ، شهر واحد بس يا اخوانا يمكن ربنا يسهل وياثر ، ويا رب ينفع ,,,
واقتراح اخر ، ماهو احنا مفيش ورانا غير الاقتراحات والتفكير في الحلول البديلة ، ايه راي سيادتكم ان احنا نعمل خيمة ؟؟؟؟ ايون نعمل خيمة ونعيش زي زمان ، يعني هو زمان كان في حديد ، ده الفراعنة بنوا الاهرامات بدون حديد والا اسمنت كمان ، بس يا خوفي لو انتشر موضوع الخيم ده ، نلاقي واحد عمل مصنع خيام ويرفع اسعارها ، ساعتها نرجع للحديد لانه هيكون رخص شوية ،،
السلام عليكم ، وادام الله عزكم ؟؟؟
قصدي عز سيادتكم ؟ ؟ ؟ ؟ ؟ ؟ ؟ ؟

خواطر

من الحين للأخر أجد نفسى وسط زحام لا أرى حدوده، وكثير من الأحيان أرى نفسى وحيدا وسط هدوء لا مثيل له حتى أنى لا أستطيع أيضا أن ارى حدوده أيضا,,من الناس من يترك نفسه للحياة ترسم له طريقه، ومن الناس ايضا من يرسم لحياته طريقها بنفسه من انت فى هؤلاء؟من الصعب التحديد.. انا ارى ذلك لا أستطيع أن ارى بوضوح فى أى درب أسيرهل انا الرسام أم لوحة تُرسم لي ؟ من المعروف أن كل شخص قبل أن يولد وله قدره وحياته.. ولكن لماذا أمر الله بالسعى والتعب والعمل والعلم؟.. هذا لأن كل شخص له نصيب فى قدره والا' ما كان حوسب عليه لقد قررت أن لا أستسلم للحياة ولا أدعها تحدد لى مستقبلي فأنا أريد أن أكون صانع نفسى من مزايا وعيوب، فانا أؤمن ان من يترك قدره للحياة لابد وسيخسر فى النهاية أو قبل النهاية حتى، فأنا أمتلك عقلى وقلبى فهم أسلحتى للخوض فى صراع الحياة وأما أن أفوز أو أهزم ويكفيني شرف المحاولة بشجاعة ولا أترك لأحد أن يدمر مستقبلى الذى أحارب من أجله ,,,من­ منكم يستطيع القتال ومن لا يستطيع ؟ إذا­ كنت لا تستطيع فهذا عيبك أنت ولن ينقذك أحد.. فلا يستطيع أى شخص أن يعطى ظهره للحياة وإلا سيهزم وأعلم­ جيدا أنه انت منقذ نفسك من المستقبل المظلم، وأنه لا مستحيل أبدا فى الحياة في أن تغير حياتك ....

اخوكم في الله

اخوكم في الله احمد محمد ابوزيد ( ابو يوسف ) كم تمنيت منذ فترة ان اقوم بانشاء مدونة كي الحق بركب عائلة ابوزيد اكرمهم الله جميعا ، وها هي قد جاءت الفرصة وقمت بانشائها والحمد لله .................
ادعو الله عز وجل ان يوفقني الي الكتابة فيها بما ينفعنا من صالح الكلمات وان تتقبلوا دخولي عالم المدونات ........................

والسلام عليكم ورحمة الله وبركاته