الأربعاء، 4 يونيو 2008

البداية شد . . . . والنهاية هد . . .





    • زماااااااااان كان في حكومة بتقول شدوا الحزام عشان نعرف نعيش ، فضلنا نشد في الحزام
      لحد ما اتقطع ...

      الشعب قال بس فرجت ، والحكومة قالت لسه مطلعناش من عنق الزجاجة

    • رد الشعب وقال.....هوه لسه في زجاجة؟؟؟
      ردت الحكومة .... امال كنتم بتشدوا الحزام ليه ؟؟؟ مش عشان تعرفوا تطلعوا من عنق
      الزجاجة .....وفرحنا ورحنا للحكومة ،،،،

      قالت الحكومة ، لسه فرجه قريب ، فاضل نعبر بيكم للمستقبل !!!!

      هاج الشعب وماج وقال : هو لسه في عبور للمستقبل ، طيب وادينا عبرنا
  • صدقنا... وفرحنا... وجرينا على الحكومة
    • ردت الحكومة وقالت ... احنا بنعمل كل ده علشان الاجيال الجاية !!!
    • رد الشعب ... اجيال جاية ازاي !!! واحنا لسه مفيش شقة ولا وظيفة ولا .. ولا .. !!
    • ردت الحكومة ... الاجيال الجاية بتاعتنا احنا ... يالا من هنا ربنا يهدكوا ... جتكوا القرف مليتوا البلد ...!!!
    • بصينا لقينا نفسنا بنصدر الغاز لاسبانيا وفرنسا.... وكمااااااااان اسرائيل ،
    • ؟؟؟يا عيني يا عيني..... ايه الحلاوة دي
    • كل المصانع اللي بتخسر واللي بتكسب اتباعت لرجال اعمال هنود ،
    • يا سيدي يا سيدي
    • دول الاتحاد الاوروبي جاية علشان تخلصنا من الزبالة اللي احنا بنرميها بنفسنا في شوارعنا ،
    • الله الله الله

    • اظن بقي دلوقتي مفيش قوة في العالم تقدر تشك ولو لحظة واحدة في ان ...!!!

    • مصر هي ام الدنيااااااااااااااااااااااااااااااااااا

هناك 9 تعليقات:

عاشــــــ النقاب ـقــــة"نونو" يقول...

السلام عليكم
مصرهتفضل ام الدنياالمشكلة ان ولادها هما اللي هيشيبوها
ربنا يستر
اسعدتني زيارتك جداااا واتمنى دوام التواصل
تحيتي

صاحب المضيفة يقول...

ده بس التطور الطبيعي للحاجه الساقعة


ربنا يهد اللي كان السبب ويرحمنا برحمته يارب


شرفتني بزيارتك يا غالي يابن الغالي


سلامي ليوسف باشا

ابو يوسف يقول...

نورتي يا عاشقة النقاب وتخياتي ليوسف .

ابو يوسف يقول...

جزاك الله خيرا يا مضيفاتي غلي مرورك الكريم ،سلامي للجميع .

موناليزا يقول...

طبعا مفيش شك فى كده والمعترض يجيب اسبابه
===============
ممكن تشيل ناكيد الكلمة حين ارستا التعليق

عاشــــــ النقاب ـقــــة"نونو" يقول...

فيييييييييييينك يا ابو يوسف
لعل المانع خير
تحياتي

دكتور حر يقول...

وكم ذا بمصر من المضحكات
ولكنه ضحك كالبكا


معلش يا ابو يوسف
هانت

وربنا كبير


ودعواتك يا غالي

mahmoud يقول...

أيه ده يا أبو يوسف بسم الله ماشاء الله
ياريت متحرمناش من مقالاتك محمود بن خالك...

amr يقول...

السلام عليكم ورحمه الله وبركاته

ياسيدى ياسيدى أمال لو سألتك انت مصرى هتقولى ايه

اكيد هتقولى ربنا يسمحك

ابو يوسف طرحك مميز فعلا بس المشكله فى مصر المشكله ف الناس اللى ع ارض مصر

جزاك الله خيرااااااااااا

خالص تحياتى

ياريت حضرتك تشيل كلمه التأكيد الموجوده فى التعليق